fbpx

အင်္ဂလိပ် စကား ပြောတတ်ဖို့ / ကျွမ်းကျင်ဖို့
သဒ္ဒါ လုံးဝ သင်စရာမလိုပါဘူး …
( မိခင်ဘာသာစကားလည်း
သဒ္ဒါ မသင်ပဲ ပြောတတ်လာတာပဲ ) ဆိုတဲ့
အစွန်းရောက် အမြင်ရှိသူတွေ များလာတာ သတိထားမိလို့
ဒီစာ ရေးဖြစ်တာပါ ။

အဲ့လို လူတွေကို ဒီမေးခွန်းလေး မေးကြည့်ပါ ။

  1. I lived in Yangon for two years.
  2. I’ve lived in Yangon for two years. နဲ့ ဘာကွာလဲ ?
    ဆိုတာကို သဒါ္ဒလုံးဝ မသင်ပဲ ဘယ်လို ခွဲခြားမလဲ ?
    သဒါ္ဒသင်ထားမှ ခွဲခြားလို့ ရမှာ မဟုတ်ဘူးလားလို့ ။

?
အဲ့ စကား ၂ ခွန်း ဘာကွာလဲတောင် မသိပဲနဲ့တော့
Speaking ကို မွတ်နေအောင် ပြောတတ်တယ်ဆိုလည်း
ပညာသိပ် မတတ်သူတွေပဲ ယုံပါလိမ့်မယ် ။

သာမန်လူတွေ ( အင်္ဂလိပ် ဘာသာစကားမကျွမ်းကျင်သူတွေ ) က
” ဒီလူ စကားပြောတာ အရမ်းသွက်တယ် … မိုက်တယ် “
ဆိုတာမျိုးလောက်ပဲ ချီးကျူးခံချင်ရင်တော့
သဒါ္ဒလုံးဝ မလေ့လာလည်း ရကောင်း ရနိုင်ပါတယ် ။

မဟုတ်ရင်တော့ …
( ပညာတတ် အချင်းချင်း

  • အင်္ဂလိပ် ဘာသာစကား ကျွမ်းကျင်သူတွေအချင်းချင်း ကြားမှာပါ
    ချီးကျူးခံရတဲ့ အထိ
    ရေရှည် စဉ်းစားထားချင်တယ် ဆိုရင်တော့ )
    စကားပြောပဲတတ်ချင်တယ်ဆိုလည်း
    သဒါ္ဒကို နည်းနည်းချင်းတွဲပြီး လေ့လာထားသင့်ပါတယ် ။

ဒါမှ သာမန်စကားပြောထက် ကျော်ပြီး
ပညာတတ်ဆန်ဆန် ပြောဆို ဆွေးနွေးရာတွေမှာ
ပွဲလည်ပိုတင့်နိုင်ပါလိမ့်မယ် ။

( ဆိုလို ချင်တာက
၁။ သဒ္ဒါကို လုံးဝ ပယ်တဲ့ အစွန်းရော
၂။ သဒ္ဒါ မှ သဒ္ဒါ …
ကျန်တာ သိပ် အရေးမကြီးသလို သတ်မှတ်တဲ့ အစွန်းရော ကို မရောက်စေချင်တာပါ … )

?
သဒါ္ဒကို သာမန် ရိုးရိုးကြီး ဒဲ့သင်တဲ့
Direct Method ဆိုတာရှိသလို
သွယ်ဝိုက်သင်သွားတဲ့
Indirect Method ဆိုတာလည်း ရှိတယ် …
သဒ္ဒါမသင်ပါဘူးဆိုပြီး ဈေးကွက်မှာ ကြော်ငြာလေ့ရှိတဲ့
နိုင်ငံတကာက နာမည်ကြီး ဆရာတွေတောင်
အဲ့ဒီလို Indirect – သွယ်ဝိုက် သင်နည်းကို သုံးနေကြတာရှိတယ် …
ဆိုတာလည်း သတိထား စဉ်းစားသင့်ပါတယ် ။

?
မိခင်ဘာသာစကားကို တောင် သဒ္ဒါမသင်ပဲ ပြောတတ်လာတာမို့လို့
အင်္ဂလိပ် ဘာသာစကားကိုလည်း သဒ္ဒါမသင်ပဲ ပြောတတ်နိုင်တယ်လို့
ယူဆကြတာလည်း ရှိပါတယ် ။

ဒါပေမယ့် တစ်ဖက်မှာ ချိန်ထိုးစဉ်းစားစရာ ရှိပါသေးတယ် ။ …
အဲ့ဒီလို သဒ္ဒါလုံးဝမသင်ပဲ မိခင်ဘာသာစကားကို
သွက်သွက်လက်လက် ပြောတတ်လာဖို့
တစ်နေ့ တစ်နေ့ ဘာသာစကား နဲ့ ထိတွေ့ချိန် ဘယ်လောက်ပေးခဲ့ရပြီး
ဘယ်လောက်ကြာမှ ပြောတတ်လာသလဲ ?
အဲ့လိုမျိုး တူညီတဲ့ ထိတွေ့ချိန်မျိုး
အင်္ဂလိပ်ဘာသာစကားအတွက် ပေးနိုင်ဖို့
လောလောဆယ် ကိုယ့်မှာ

  • ငွေရေး ကြေးရေး အရ – ပတ်ဝန်းကျင် အဆက်အသွယ်အရ –
    အဆင်ပြေမပြေဆိုတဲ့ ကိစ္စပါပဲ ။

?
မိခင်ဘာသာစကားပြောရမှာ ကိုယ်မှားသွားတိုင်း
မသိမသာ ပြန်တည့်ပေးသွားတဲ့ ( လူကြီး မိဘ) ပတ်ဝန်းကျင်မျိုး
အင်္ဂလိပ်ဘာသာစကားနဲ့ ပတ်သက်လို့
ကိုယ့်မှာ ရှိမရှိဆိုတာကိုလည်း
ထည့်သွင်း စဉ်းစားရပါမယ် ။

?
နောက် အရေးကြီးတာတစ်ခုက
သဒါ္ဒကို ကျေညက်အောင် သင်ဖူး လေ့ကျင့်ဖူးပြီး
အချိန်တန်တော့မှ စကားပြောတဲ့အခါမှာ
သဒါ္ဒကို စဉ်းတောင်မစဉ်းစားတော့ပဲ
ပြောနိုင်အောင်လုပ်တာနဲ့
သဒါ္ဒကို ဘာမှ မသင်ဖူးပဲ တန်းပြီး ( သဒါ္ဒမစဉ်းစားပဲ )
စကားပြောတာမျိုးဟာ မတူပါဘူး ဆိုတာကိုလည်း
သတိထားစေချင်ပါတယ် ။

သိုင်း စ ကစားရာမှာ လေ့ကျင့်တဲ့အခါ
သိုင်းကွက်တွေနဲ့ အတိအကျ လေ့ကျင့်ခဲ့ပြီး
ကျေညက်သွားတဲ့အခါကျမှ …
သိုင်း ကွက် မစဉ်းစားတွေပဲ
အလိုလို တိုက်နိုင် ခိုက်နိုင်သွားတာမျိုးကို
နမူနာယူ စဉ်းစားကြည့်ပါ ။
( ဘာသိုင်းကွက်မှ မသင်ပဲ တိုက်နိုင်ခိုက်နိုင်သွားတာမျိုးနဲ့
အရည်အချင်း တူမယ် ထင်ပါသလား ? )

?
ဒါကြောင့် ထပ်ပြောပါမယ် ။
လူလည်း ခြေ ၂ ချောင်း ၊
ကျီးကန်းလည်း ခြေ ၂ ချောင်းပဲမို့ တူတူပဲလေ ဆိုတဲ့
ကျီးကန်း လော့ဂျစ်မျိုး လောက် ပဲ မစဉ်းစားပါနဲ့ ။

အစွန်း မရောက်ပါနဲ့ ။
စကားပြောလေ့ကျင့်ရာမှာလည်း သဒါ္ဒကို တွဲလေ့လာပါ ။
Direct Method နဲ့ လေ့လာရမှာ ကြောက်နေရင်တောင်
Indirect Method နဲ့ လေ့လာတတ်အောင်
သင်ယူထားပါ လို့
အကြံပေးချင်ပါတယ် ။

?
အင်္ဂလိပ် ဘာသာစကား ၊ စကားပြော ကျွမ်းကျင်ဖို့
သဒ္ဒါ လေ့လာစရာ လုံးဝ မလိုပါဘူး ဆိုရင် …
ဘာလို့များ နိုင်ငံတကာက နာမည်ကြီး သိက္ခာရှိ အဖွဲ့အစည်းကြီးတွေ ဖြစ်တဲ့
Cambridge , Oxford , Longman , MacMillan စတာတွေက ထုတ်တဲ့
နိုင်ငံတကာ – စကားပြော – သင်ရိုးတွေမှာ
Grammar Sections တွေ ထည့်နေဦးမလဲ ဗျာ ။
ဒီ တစ်ချက်ကိုလည်း ထည့် စဉ်းစားမယ်ဆိုရင်
ဘယ်လို လေ့လာတာ ပိုထိရောက်မလဲ ဆိုတာ
အဖြေကောင်း ရပါလိမ့်မယ် … ?

?
အချို့သော ဆရာတွေ အနေနဲ့လည်း
ကိုယ်သင်တဲ့ နည်းကမှ အကောင်းဆုံး ….
ကျန်တဲ့လူတွေ သင်တဲ့ နည်းက လုံးဝမကောင်းဘူး …. လိုလို
အစွန်းရောက် ပြောဆို ဈေးကွက်ဖောက်တာမျိုး ၊
ဩဇာတည်ဆောက်တာမျိုး ဟာ
ကျင့်ဝတ်နဲ့ မညီလို့ မလုပ်သင့်ဘူးဆိုတာ
သတိပေးချင်ပါတယ် ။
ဆရာဖြစ်ပြီး လူ့ကျင့်ဝတ်မှ မလိုက်နာနိုင်ရင်
တခြားနည်းနဲ့ ငွေရှာတာ ပိုသင့်တော်ပါလိမ့်မယ် ။

?
တကယ့် ဆရာကောင်းတွေက
နည်းစနစ် တိုင်းမှာ
သူ့ရဲ့ အားသာချက် အားနည်းချက် ကိုယ်စီရှိတယ် ။
အခြေခံ လိုအပ်ချက်တွေရှိတယ် ။
လေ့လာသူရဲ့ စိတ်နေစိတ်ထား နဲ့
ကျွမ်းကျင်မှုအဆင့် ပေါ် မူတည်ပြီး
လိုအပ်သလို ချိန်ဆ သင်သွားတာ အထိရောက်ဆုံးပဲ …
ဆိုတာ လက်ခံထားကြတာ များပါတယ် ။

( ဒီနည်းမှ အကောင်းဆုံး ၊
ဟိုနည်းမှာ အကောင်းဆုံး < ဆိုတာတွေက
အစွန်းရောက်လွန်းတယ် လို့ပဲ
ကျွန်တော်ကတော့ ယူဆပါတယ် ။
ဘယ်လို ကျောင်းသားမျိုး ဖြစ်ဖြစ်
ငါ့နည်းနဲ့ သင်မှ တတ်မယ် ၊
ငါ့နည်းက အကောင်းဆုံးပဲ ဆိုတာမျိုး ဟာ …
ဆေးဆရာ လူလိမ် တစ်ချို့ပြောလေ့ရှိတဲ့
ဘယ်ရောဂါနဲ့ လာလာ ဒီဆေးပဲ သောက် ၊
ပျောက်ကို ပျောက်စေရမယ် <
ဆိုတာမျိုး ဖြစ်နေတယ်ဆိုတာ
သေချာ စဉ်းစားကြည့်ရင် သိပါလိမ့်မယ် )

အစက တိုတိုပဲ ရေးမလို့ ။
ရေးရင်း ဒီလောက်ထိ ရှည်သွားတယ် ။
တကယ်ဆို စကားနဲ့ ပြောမယ်ဆို
ဒီထက် ပြောစရာ ဆွေးနွေးစရာ စဉ်းစားချင့်ချိန်စရာတွေ အများကြီး ရှိပါသေးတယ် ။

သဒါ္ဒသင်ရမှာကြောက်တဲ့ သင်တန်းသားတွေ
စိတ်ချမ်းသာအောင်
( သူတို့ အားပေးမှုနဲ့
ဈေးကွက် ရအောင် တည်ဆောက်ချင်တိုင်း )
” စကားပြောတတ်ဖို့ သဒါ္ဒသင်စရာမလိုပါဘူးကွာ “
ဆိုတာမျိုး
ခပ်လွယ်လွယ် ပြောတာမျိုးတွေ မလုပ်ဖို့ ။
အဲ့လို ပြောသံတွေကြားလာတိုင်း လည်း
တန်ပြန်မေးခွန်းထုတ် တွေးတောတတ်ဖို့
တစ်ခုခု ရသွားမယ်ဆိုရင်
ကျွန်တော် အချိန်ပေး ရေးရကျိုးနပ်ပါတယ် ။

ဖတ်စေချင်တဲ့ မိတ်ဆွေ သူငယ်ချင်းတွေရှိရင်လည်း
လွတ်လွတ်လွတ်လပ် Share ပေးပြီး
ပညာကုသိုလ် ယူနိုင်ပါတယ် လို့ …

စေတနာဖြင့်

ကိုဇင်ဇေ

” ပန်းတိုင်တွေ့၍
တွေ့သောပန်းတိုင် အရောက်လှမ်းနိုင်ကြပါစေ “

စာကြွင်း ။

အပေါ်မှာပြောခဲ့တဲ့
1. I lived in Yangon for two years.
2. I've lived in Yangon for two years. နဲ့
ဘာကွာလဲ ? ဆိုတာကို
လေ့လာသူတွေ အတွက် လိုတိုရှင်းလေးပဲ ရှင်းပြလိုက်ပါမယ် ။ 
( အခုတောင် စာက အတော် ရှည်နေပြီ မို့ပါ )

အခု ၂၀၁၉ ဆိုပါစို့ ။

လူတစ်ယောက်က ၂၀၁၅ ကနေ ၂၀၁၇ ထိ
ရန်ကုန်မှာ နေခဲ့တာမျိုးဆိုရင်
1. I lived in Yangon for two years. < ကို သုံးရပါမယ် ။

အဲ့လို မဟုတ်ပဲ
အခု ၂၀၁၉ ထိ ( ၂၀၁၇ က စပြီး ) နေခဲ့ ၊
ခုထိလည်း နေနေဆဲဆိုရင်တော့ ... 
2. I've lived in Yangon for two years. < လို့
သုံးရပါမယ် ။
( I've been living in Yangon for two years. < လို့ 
သုံးရင်လည်း ရပါတယ် ။

အခု လက်ရှိ နေနေဆဲ ၊ လုပ်နေဆဲ ဟုတ်မဟုတ် ပေါ် မူတည်ပြီး 
ဆုံးဖြတ် သုံးနှုန်းရတာဟာ 
Past Tense နဲ့ Present Perfect Tense
ကွာခြားချက် တစ်ခုပါလို့ ။

ကိုဇင်ဇေရေ …
ခင်ဗျား ကိုယ်တိုင်က
အပြင်မှာရော အွန်လိုင်းမှာပါ သဒါ္ဒသင်နေလို့
ဒီစကားမျိုးပြောတာပါ …. လို့
ထင်တဲ့လူလည်း ရှိကောင်းရှိနိုင်ပါတယ် ။
( ကိုယ့် စိတ်နဲ့ ကိုယ့်ဘာသာ ထင်ချင်တာ ထင်တာတော့
ကျွန်တော်လည်း မတတ်နိုင်ပါဘူး )

ခုလိုမျိုး သဒါ္ဒ ကို မပယ်ဖို့ အကြံပေးထောက်ပြနေပေမယ့်
Grammar Nazi ဆန်လွန်းတာမျိုးလည်း
ကျွန်တော်က မကြိုက်ပါဘူး … ဆိုတာလေးတော့
ဖြည့်ပြောချင်ပါတယ် ။
ကျွန်တော် ဖြစ်စေချင်တာကတော့ အစွန်းမရောက်ဖို့ပါပဲ ။
သေချာဖတ်ပြီး စဉ်းစားဆုံးဖြတ်ကြမယ်ဆို
ကျွန်တော့် ရည်ရွယ်ချက် ရောက်ပါတယ်လို့ ။
?

Pin It on Pinterest

Share This