fbpx

ဒီ နှစ်ခု ကို ဘာကွာသလဲဆိုတာ မသိရင်
မှား မှားပြီး သုံးတတ်ကြတာများလို့
လိုရင်း တိုရှင်းလေး တင်ပေးလိုက်ပါတယ် ။


“ the” ဆိုတာ တိကျတဲ့ တစ်စုံတစ်ရာကို ပြန်လည်ရည်ညွှန်းရာမှာ
သုံးတယ်ဆိုတာကို တော့ အရင်မှတ်ထားရမှာပါ ။
ဥပမာ >
I had a sandwich for lunch. ဆိုပါတော့ ။
သူဟာ နေ့လည် စားအတွက် Sandwich တစ်ခု စားခဲ့တယ်လို့ ဆိုလိုပါတယ် ။
ဘယ် Sandwich ဆိုတာကို တိတိကျကျ ရည်ညွှန်းတာမျိုး မရှိပါဘူး ။
ဘယ် Sandwich မဆို ဖြစ်နိုင်ပါတယ် ။
သူကပဲ ဆက်ပြီး
The sandwich wasn’t very good. လို့ ဆိုလိုက်ပြီ ဆိုပါတော့ ။
( အဲဒီ sandwich က စားလို့တော့ သိပ်မကောင်းခဲ့ဘူး ။ )
ဒါဆိုရင်တော့ အခုနက သူ နေ့လည်စာ အနေနဲ့ စားခဲ့တဲ့ sandwich ကို သာ ဆိုလိုပါတယ် ။
တခြား sandwich တွေကို ဆိုလိုတာ လုံးဝ မဟုတ်ပါဘူး ။
ကဲ ဒီလောက် သိပြီဆိုရင်တော့ မူရင်း Topic ကို ပြန် လေ့လာကြည့်ရအောင်ပါ ။ ။


” go to school ” ဆိုတာ ကျောင်းသွားတယ် လို့ ဆိုပေမယ့်
ကျောင်းသွားတက်တာလို့ နားလည် ရမှာပါ ။
( ကျောင်းသား အနေနဲ့ ပေါ့ … ဘယ်ကျောင်းမဆို ဖြစ်နိုင်ပါတယ် ။
ကျောင်းသွားတတ်ဖို့သာ လိုရင်းပါပဲ ။ )
” go to the school “ ဆိုတာကတော့ ကျောင်းသွားတာခြင်း တူပေမယ့်
ကျောင်းသားအနေနဲ့ ကျောင်းသွားတက်တာကို ဆိုလိုတာ မဟုတ်ဘဲ
တခြား အကြောင်းရှိလို့ သွားတာကို ဆိုလိုတာပါ ။


ဒီ စာပိုဒ်လေး ၂ ပိုဒ်ကို ယှဉ်ဖတ်ကြည့်ရင် ပိုနားလည်သွားမှာပါ ။
( 1 )
Suzan is ten years old. Every day she goes to school.
She’s at school now. School begins at 9 and finishes at 3.

( 2 )
Today Suzan’s mother wants to speak to her daughter’s teacher.
So she has gone to THE school to see her. She’s at THE school now.


prison , hospital , university , college , church တို့ကိုလည်း
ဒီလို အယူအဆနဲ့ပဲ ခွဲခြားပြီး သုံးရမှာ ဖြစ်ပါတယ် ။
“ the” မပါတဲ့ အခါမှာ အဲဒီ နေရာရဲ့ ယေဘူယ ဝန်ဆောင်မှု/
လုပ်ဆောင်ချက်တွေကို ရယူဖို့သွားတာပါ ။
“ the” ပါရင်တော့ မူလ သဘောတရားနဲ့ မသက်ဆိုင်ရာ တစ်ခုခု သွားလုပ်တာပါ ။
အခုလောက်ဆို
“ go to school” နဲ့ “ go to the school” ဘာကွာ သလဲ ဆိုတာ ရှင်းသွားမယ် ထင်ပါတယ်
🙂

English ဘာသာစကား စွမ်းရည် များ တစ်နေ့တခြား တိုးတက်ပြီး
အခွင့်အလမ်းကောင်းများ ရယူ ပိုင်ဆိုင်နိုင်ကြပါစေဗျာ ။
🙂

Pin It on Pinterest

Share This